Rashiti: Malisheva, ndjenja e përkatësisë dhe krenarisë për Gjilanin
RajoniPress
17:51, 3 Shtator, 2025
| 11 muaj më parë
Gjilan – Takimi në Malishevë është gjithmonë ndjesi e veçantë. Aty jemi rritur me frymën e veprimtarëve dhe heronjve tanë, dhe kemi mësuar se kurrë nuk është mjaftueshëm për të kontribuar për vendin tënd ka shkruar Riad Rashiti.
Postimi i plotw:
Para bashkëvendësve tanë të Malishevës nuk premtuam, por u zotuam se do të jemi gjithmonë në shërbim të drejtë dhe do të punojmë me krenari për Gjilanin. Sikurse shumë personalitete të tjerë të Malishevës që kanë kontribuar jashtëzakonisht shumë për vendin dhe komunën tonë.
Në këtë takim, së bashku me kandidatët për Kuvendin Komunal, Liridon Hajdini dhe Fatime Ademi, ndamë përkushtimin tonë të përbashkët për të ardhmen e qytetit tonë.
Gjithmonë jam falënderues për mbështetjen dhe mirënjohës për përkrahjen e vazhdueshme të bashkëqytetarëve tanë, për rrugëtimin tonë politik dhe institucional.
