Rashiti: Krizës në Gjilan po i vjen fundi, qytetarët po e kërkojnë zhvillimin dhe stabilitetin
RajoniPress
12:07, 25 Gusht, 2025
| 11 muaj më parë
Gjilan – Qeverisja aktuale e ka fundosur qytetin tonë. Gjilani është zhytur në krizë të thellë, pa investime, me buxhet të keqmenaxhuar, me shpenzime të pakontrolluara, nepotizëm dhe vendime të jashtëligjshme ka shkruar Riad Rashiti, kandidat për kryetar të komunës së Gjilanit.
Postimi i plotë:
Por koha e dështimeve dhe degradimeve përfundon më 12 tetor.
Së shpejti, Gjilani do të ketë një qeverisje profesionale, të ndershme dhe transparente.
Një qeverisje që flet me qytetarin, që e respekton gruan dhe e bën pjesë të barabartë në vendimmarrje, që fuqizon të rinjtë dhe që investon në zhvillimin e çdo lagjeje e fshati.
Unë jam i përkushtuar të rikthej besimin, dinjitetin dhe zhvillimin në qytetin tonë.
Ky është misioni im. Por për me ja dalë, na duhesh edhe ti”.
