Rashiti: I ka lëshu Zoti veç për prap me punu këta të LVV!

Gjilan – Mbi 4.8 milion euro Kosova ka importuar vetëm qepë gjatë vitit 2023 për të plotësuar nevojat e konsumit vendor, ndërsa këta praktikantat e komunës së Gjilanit qohen e japin subvencione për boronicë e mjedra ka shkruar Riad Rashiti.

Postimi i plotë:

Qepën kudo që e mbjellë në tokën tonë, ajo bëhet e rritet me shumë pak përkujdesje. Nuk ka nevojë për investime në sistem të ujitjes, nuk është problem shitja e as çmimi i mirë në tregun tonë.

Ndërsa për kultivimin e boronicës dhe të mjedres, është shumë problematike prej cilësisë tokës, kushteve të ndryshueshme klimatike, nevoja për investime më të mëdha, mungesa e përvojës për të kultivuar, çmimi jo i garantuar i shitjes, mungesa e pikave grumbulluese, eksporti etj.

Dihet fare mirë nga përvoja e kultivimit të mjedrës në Gjilan dhe Kosovë në vitet e kaluara për vështirësitë e mëdha që janë përballur kultivuesit, ku kanë bërë që shumë plantacione të mjedrës të dështojnë.

Kjo qeverisje e VV në Gjilan dhe kryetari Hyseni po punojnë pa krye dhe pa kurrfarë analize. Apo ndoshta edhe në këtë rast sikurse te vizatimi i projekteve infrastrukturore, po mundohen që të subvencionojnë kultivimin e atyre pemëve dhe perimeve që dalin më bukur në foto.
Kërkah nuk jeni, por ju po dini, e grahni edhe pak muaj sa ju kanë mbetë.