Rashiti: Gjilani është në mesin e komunave më të mira të Kosovës, që kanë bërë politika dhe veprime konkrete
Gjilan – Gjilani është në mesin e komunave më të mira të Kosovës, që kanë bërë politika dhe veprime konkrete, që ndërlidhen me avancimin e barazisë gjinore, e në veçanti jemi të dalluar në planifikimin e buxhetit të përgjegjshëm gjinor, që për herë të parë si komunë e kemi përfshirë në buxhetin e vitit 2023 dhe në Kornizën Afatmesme Buxhetore 2023-2025 ka thënë Riad Rashiti.
Postimi i plotë:
Nën organizimin e OSCE u mbajt punëtoria me temë ‘Prezantimi i praktikave të mira të qeverisjes së përgjegjshme gjinore’.
Gjilani është në mesin e komunave më të mira të Kosovës, që kanë bërë politika dhe veprime konkrete, që ndërlidhen me avancimin e barazisë gjinore, e në veçanti jemi të dalluar në planifikimin e buxhetit të përgjegjshëm gjinor, që për herë të parë si komunë e kemi përfshirë në buxhetin e vitit 2023 dhe në Kornizën Afatmesme Buxhetore 2023-2025.
Në cilësinë e drejtorit për buxhet dhe financa, shpalosëm praktikat e mira qeverisëse të komunës tonë, duke prezantuar edhe planin e veprimit, projektet dhe aktivitetet tjera që janë pjesë angazhimeve tona për vitet në vijim.
Vetëm të barabartë në mes dy gjinive, mund të arrijmë rezultate e dëshiruara dhe me punë të përgjegjshme institucionale./rajonipress/