Rashiti: Do të jemi aktiv dhe krah i fort opozitar kësmet?

Gjilan – Riad Rashiti nga PDK thotë se do të jenë aktiv muajve të ardhshëm sepse Gjilani ka degraduar keq dhe është zhytur në telashe serioze. Kështu mendon edhe Lutfi Haziri, Ardian Azemi, Isa Agushi, e Sokol Haziri, të cilët kanë vlerësuar se Gjilani tashmë ka falimentuar.

“Sigurisht që do të jemi më aktiv” kështu shprehet Riad Rashiti nga PDK e Gjilanit, duke larguar dilemat se opozita në Gjilan, po sillet butë dhe pa veprime konkrete.

“Kemi me i gra fort opozitës kësmet sepse Gjilani është degraduar keq dhe është zhytur në telashe serioze” thotë Rashiti për rajonipress.

Riad Rashiti ka paralajmëruar se nga prokuroria e Gjilanit pritet të zhvillohen hetime për keqpërdorimet e pushtetarëve aktual.
Lutfi Haziri ka thënë më herët se ekzekutivi i Komunës së Gjilanit nuk ka më as guxim të ballafaqohet me Kuvendin Komunal, për shkak të keq qeverisjes, abuzimit me paranë publike, nepotizmit të paparë në punësim, ngecjet e mëdha në infrastrukturë, dështimit të lidhjes së rrugëve lokale me rrugët regjionale e stagnimit në çdo fushë./rajonipress/