Rashiti: Buxheti komunal për vitin 2023 duhet të miratohet nesër, kur është edhe afati i fundit ligjor

Gjilan – Përndryshe komuna e Gjilanit do të humb mbi 3,5 milion euro, pjesën e buxhetit të rritur për vitin 2023, ku pastaj rrezikohen shumë projekte dhe investime kapitale ka shkruar Riad Rashiti.

Aktualisht zyrtari dhe drejtori më i arsyeshëm dhe më vigjilent brenda qeverisjes komunale Riad Rashiti, ka dhënë një paralajmërim të frikshëm për nesër.

“Buxheti komunal për vitin 2023 duhet të miratohet nesër, kur është edhe afati i fundit ligjor. Përndryshe komuna e Gjilanit do të humb mbi 3,5 milion euro, pjesën e buxhetit të rritur për vitin 2023, ku pastaj rrezikohen shumë projekte dhe investime kapitale” ka shkruar Riad Rashiti.

“I ftoj të gjitha subjektet politike dhe të gjithë asambleistët e Kuvendit Komunal në Gjilan, që të jenë pjesë aktive e punës dhe e funksionimit normal, të institucionit më të lartë në komunë. Duhet të gjithë së bashku të reflektojmë në këtë situatë, e cila është bërë pengesë për vendime të rëndësishme në asamblenë komunale. Vetëm me qasje konstruktive, bashkëpunim dhe koordinim në mes të gjitha subjektet politike, mund të ecim përpara drejtë zhvillimit dhe integrimit shoqëror. Inatet politike nuk duhet të shkojnë aq largë, sa për të ja humbur qytetarëve të Gjilanit miliona euro projekte zhvillimore. Qytetarët e Gjilanit kërkojnë punë dhe angazhim nga të gjithë ne pa përjashtim, për të përmirësuar infrastrukturën, jetën dhe mirëqenien e tyre, përmes investimeve në projekte të të gjitha fushave. Bashkë mund të bëjmë më shumë” ka nënvizuar Rashiti./rajonipress/

Shpërndaje.
© RAJONIPRESS