Rashiq: Papunësia është rreth 40%

Agjencisë së Statistikave të Kosovës nuk po i beson më as Qeveria e Kosovës, në kuadër të së cilës punon ky institucion. Për ekzekutivin shifrat se vetëm 30.9% e popullit të Kosovës janë të papunë nuk paraqesin situatën reale në vend. Ministri i Punës dhe Mirëqenies Sociale, Nenad Rashiq i ka thënë gazetës Tribuna se papunësia në Kosovë sillet nga 35 deri në 40%. Me statistikat e ASK-së nuk po pajtohen edhe ekspertët e ekonomisë.

Ata thonë se ASK-ja po befason çdo herë me statistikat e paraqitura. Sipas tyre, nuk ka asnjë logjikë të thuhet së në Kosovë 63% e njerëzve janë joaktivë në punë. Kjo mund të ishe reale, thonë ata, vetëm në ndonjë shtet i cili ka politika të avancuara sociale dhe mirëqenie të lartë shoqërore.

Ndërkaq, rezultatet e publikuara ditë më parë nga institucioni zyrtar për statistika në vend, tregojnë se janë hiq më pakë se 750 mijë qytetarë që nuk llogariten si të papunë por që nuk punojnë për arsye të ndryshme. Prej tyre 176 mijë janë qytetarë që nuk llogariten të papunë vetëm se nuk besojnë se mund të gjejnë punë…(Tribuna).