Rashiq dhe Surdulli i ndan kontratat e punës për 20 të punësuar

Gjilan – Në komunën e Kamenicës 20 të rinj e të reja i nënshkruan kontratat e punës në solemnitetin e organizuar në Shtëpinë e Kulturës” Isa Kastrati” në Kamenicë.

Nga 80 të rinjtë e certifikuar janë punësuar 40 vetë. Në komunën e Ranillugut 20 po aq edhe në komunën e Kamenicës , në kuadër të pilot projektit “Promovimi i punësimit dhe rritja e mundësive për rininë”.

Projekti në fjalë realizohet nga Ministria e Punës dhe Mirëqenies Sociale , dhe mbështetjes së ambasadës Norvegjeze, ndërsa implementimin e ka bërë instituti për zhvillim dhe integrim.

Të gjithë këta janë punësuar në tregti, për 6 muaj ndërsa pagat e tyre janë 150 euro. Pas 6 muajve 30% të tyre do t`i vazhdohet kontrata për dy vite.

Shaip Surdulli e falënderoj ministrin Rashiq , i cili për çdo vjet ka realizuar projekte të ndryshme në komunën e Kamenicës. Ministri e mori si shembull komunën e Kamenicës si një mjedis të qetë dhe të sigurt për të gjithë qytetarët e sajë. Ministri dhe Kryetari i uruan të punësuarve shëndet dhe suksese në punë./rajonipress/