Rashica, titullar për herë të fundit në Bundesligë këtë vit

Sulmuesi kosovar i Werder Bremenit, Milot Rashica, do të jetë titullarë për herë të fundit në një ndeshje të Bundesligës për këtë vit kalendarik 2019. Ai do të shpresojë të jetë golashënues dhe ta mbyllë vitin me fitore.

FC Koln do ta presë Werder Bremenin sot në orën 15:30 për ndeshjen e vlefshme për xhiron e fundit të Bundesligës për këtë vit kalendarik 2019, pasi që ekipet do të duhet të presin deri në gjysmën e dytë të janarit për t’i zhvilluar ndeshjet e radhës në ligën gjermane, shkaku i pushimit dimëror, transmeton Gazeta Express.

Për këtë arsye, Rashica do të synojë ta mbyllë këtë vit mbresëlënës me një paraqitje të mirë dhe t’ia sigurojë fitoren skuadrës së tij për ta ngritur në tabelën e Bundesligës.

Formacionet zyrtare të të dyja skuadrave:

Deri më tani këtë sezon, Rashica i ka shënuar nëntë gola dhe ka kontribuar me tre asiste në 14 ndeshjet e zhvilluara në të gjitha garat për Bremenin (12 ndeshje në Bundesligë dhe dy në Kupën e Gjermanisë). /Gazeta Express/