Rashica në Serie A

Milot Rashica mund të transferohet në Serie A gjatë verës. Gianni De Biasi ka këshilluar vushtrriasin që të transferohet te Napoli. E përditshmja sportive italiane, Corriere dello Sport konfirmon interesimin e Napolit për talentin shqiptar, Milot Rashica.

Kurse, edhe Gianni De Biassi e ka këshilluar ekipin nga San Paolo ta transferoj ish anëtarin e Vushtrrisë. Sipas strategut italian Rashica ka karakteristika të njëjta me Callejonin

Këshillat e De Biasit janë dhënë sepse Napoli po e vëzhgon me kujdes situatën e Rashicës. Skuadra e Elseid Hysajt kërkon përforcime në repartin ofensiv dhe talenti shqiptar do t’i përshtatej më së miri skemave që përdor trajneri Sarri.

Deri në këtë pjesë të sezonit, Rashica numëron 7 gola dhe 6 asistime në 25 ndeshje me Vitessen. Drejtuesit e Napolit kanë mbetur të befasuar nga talenti i 19-vjeçarit, e madje po mendojnë të bëjnë tentativën e parë për ta blerë.

Rashica kërkohet edhe nga Tottenham e Everton në Angli, Ajax e PSV në Holandë dhe Galatasaray në Turqi.