Rashica mund t’i bashkohet Hannoverit, por problem çmimi i madh që po kërkon Vitesse

Milot Rashica mund të largohet nga Vitesse qysh në afatin kalimtar të janarit.

Sulmuesi i Përfaqësueses së Kosovës po kalon nëpër një formë mjaftë të mirë këtë edicion.

E kjo nuk ka shkuar huq pasi është skuadra gjermane Hannover 96 që ka shprehur interesim për transferimin e Rashicës.

Mediat gjermane kanë raportuar se Rashica mund të jetë një lojtar i Hannoverit qysh në afatin kalimtar të janarit.

Por problem mbetet çmimi i madh që po kërkon Vitesse për ta lënë të lirë yllin kosovar.

Skuadra holandeze po kërkon së paku 10 milionë euro që ta lejoj transferimin e Rashicës në Hannover.

Gjithsesi klubi gjerman shpreson që Vitesse të ul kërkesat në shtatë milionë euro për të nënshkruar me Rashicën.

21-vjeçari ka zhvilluar 16 ndeshje në elitën e futbollit holandez këtë edicion ku ka shënuar tre gola dhe ka dhuruar dy asistime.

Në garë për reprezentuesin kosovar mbeten edhe Newcastle United dhe Napoli. /Telegrafi/