Rashica i siguron fitoren Bremenit

Mesfushori i Kosovës, Milot Rashica, e shënoi golin e vetëm në fitoren që Werder Bremeni i mesit të tabelës e mposhti Hannoverin e rrezikuar nga rënia nga elita e futbollit gjerman.

22-vjeçari realizoi në minutën e 32-të një gol të lehtë, pasi portieri kundërshtar e devijoi topin fillimisht, por e la të gatshëm për Rashicën, i cili e tundi rrjetën me të majtën.

Bremeni njëherësh e ndali serinë e tri ndeshjeve pa fitoreve në Hannover, ndërsa për Rashicën ishte goli i dytë sezonal dhe që të dyja i ka shënuar kur ka luajtur si mysafir.

https://www.albinfo.ch/rashica-i-siguron-fitoren-bremenit/