Rashica ëndërron Euro 2016

Milot Rashica shpreson se do të marrë një ftesë nga selektori i Shqipërisë, Gianni de Biasi për Euro 2016

Milot Rashica ka një dëshirë pas shkëlqimit me Vitessen në Holandë gjatë këtij sezoni. Ai ka shkëlqyer me ekipin holandez duke realizuar 8 gola dhe 3 asistime në 29 paraqitje. Ish anëtari i Vushtrrisë ëndërron pjesëmarrjen në Euro 2016 me kombëtaren shqiptare.

“Shpresoj që të shkoj atje, por deri më tani nuk di asgjë. Nëse nuk shkoj, shpresoj që kombëtarja të ketë sukses dhe ta bëjnë më të mirën”, ka thënë Rashica për ë një intervistë për kanalin e Vitesses

I pyetur nëse ka shpresë që Shqipëria të kalojë tutje në Grupin A që përbëhet edhe nga Franca, Zvicra dhe Rumania, Rashica ka thënë se futbollit kurrë nuk i dihet.

“Është grup i vështirë me këto kombëtare, por ne kemi ekip të mirë dhe shpresoj që të bëjmë më të mirën”, ka thënë Rashica./express/