Rashani: Kemi ardhur në Gjeorgji për të arritur rezultat pozitiv

Reprezentuesi i Kosovës, Elbasan Rashani, është paraqitur sot në konferencën për shtyp, në prag të ndeshjes ndaj Gjeorgjisë, shkruan Zeri.info.

Futbollisti më në formë për momentin te Kosova, tha se ai dhe gjithë futbollistët tjerë janë gati për ndeshjen e nesërme.

“Unë personalisht jam në formë të mirë. Kam ardhur në këto ndeshje pas një forme të mirë te Clermont. Të gjithë futbollistët në ekipin tonë janë gati për këtë ndeshje. Kemi ardhur në Gjeorgji për të arritur rezultat pozitiv dhe do të japim maksimumin për të arritur një gjë të tillë” – tha fillimisht 28-vjeçari.

LEXO EDHE: Challandes për ndeshjen me Gjeorgjinë: Kemi kualitete të përafërta, por unë besoj te këta futbollistë dhe padyshim që synojmë maksimumin

Tutje, Rashani u pyet nga gazetarët edhe për formën e mirë që po kalon te Clermont në Francë, pasi në katër ndeshje ka shënuar tre gola dhe një asistim.

“Absolutisht Liga e Francës është njëra ndër ligat më të forta dhe jam i lumtur me ndeshjet e para që kam zhvilluar. Megjithatë, tani i tërë fokusi im është te Kosova” – u shpreh Rashani.

Ndeshja mes Gjeorgjisë dhe Kosovës do të zhvillohet në “Batumi Arena”, nga ora 18:00.

Kjo ndeshje është e vlefshme për kualifikimet në Botërorin “Katar 2022”. /Zeri.info