Rapuca dhe Ramadani kërkojnë të kompensohen bujqit nga dëmet e breshrit

Gjilan – Nazmi Rapuca i ka propozuar Kuvendit Komunal që të shikojë mundësitë për krijimin e një fondi për t`i ndihmuar të dëmtuarit. Dëmet te disa ferma arrijnë në 10 mijë euro, ka thënë Rapuca. Ramiz Ramadani këshilltar komunal nga LDK-ja ka kërkuar nga Ministria e bujqësisë, që t’i kompensoj bujqit për dëmet, ndërsa drejtoria e bujqësisë t’i trajtoj me prioritet në subvencion dhe ndihna tjera bujqit e lokaliteteve të goditura nga breshëri.

Nazmi Rapuca, drejtor për Bujqësi në seancën e së enjtes i ka informuar këshilltarët komunal për dëmet që ka shkaktuar breshëri në disa zona të komunës së Gjilanit, duke nënvizuar se ato janë më të mëdha në fshatrat Capar, Stublinë e Miresh.

Ai i ka propozuar Kuvendit Komunal që të shikojë mundësitë për krijimin e një fondi për t`i ndihmuar të dëmtuarit. Dëmet te disa ferma arrijnë në 10 mijë euro, ka thënë Rapuca.

Edhe grupi i këshilltarëve të LDK-së, nëpërmjet Ramiz Ramadanit – përgjegjës për sektorin e bujqësisë, kërkoi nga drejtori për bujqësi Rapuca një informatë për dëmet e shkaktuara nga breshëri, masat e ndërmarra dhe për atë se çfarë mund të presin bujqit nga drejtoria dhe ministria e bujqësisë.

Përpos dëmeve të shkaktuara nga breshëri i datës 11 qershor (e martë), që goditi fshatrat: Zhegër, Llashticë, Pogragjë, Dobërëan, Bukovik, Stublinë, etj, dëme ka pasur edhe ne pemishtet në fshatin Kravaricë, nga breshëri i datës 7 qershor (e premte) dhe nuk është vizituar nga institucionet.

Ramadani ka kërkuar nga Ministria e bujqësisë, që t’i kompensoj bujqit për dëmet, ndërsa drejtoria e bujqësisë t’i trajtoj me prioritet në subvencion dhe ndihna tjera bujqit e lokaliteteve të goditura nga breshëri./rajonipress/