Ranillugu synon transparencën dhe qasjen në dokumentet zyrtare

Gjilan – Në kuadër të projektit “Rritja e transparencës përmes pjesëmarrjes në qeverisje, buxhet dhe qasjes në informata publike dhe dokumente”, është mbajtur punëtoria në Ropotovë komuna e Ranillugut, me temën transparenca, pjesëmarrja në menaxhimin e buxhetit, qasja ndaj informacionit dhe dokumenteve publik, dhe rëndësinë e përfshirjes së publikut në vendimmarrje. Tryeza mblodhi 27 pjesëmarrës zyrtarë komunal dhe shoqëria civile.

Zyrtari i zyrës se informimit, Aleksandar Stojanovic, bëri me dije se deri me tani në komunën e Ranillugut nuk është paraqitur asnjë kërkesë mbi qasjen në dokumente zyrtare , mirëpo deri me tani ne si zyre e informimit i kemi publikuar në webfaqe të gjitha aktivitetet e komunës duke përfshirë edhe vendimet , rregulloret etj.

Ndërsa, nënkryetari i komunës Titomir Stević, ka thënë se është i kënaqur me pjesëmarrjen e publikut ne vendimmarrje si dhe në debatet te cilat i organizon komuna , sa i përket transparencës komunale niveli i informimit të qytetarëve është i lartë pasi që ne i bëjmë të gjitha publikimet përmes webfaqës zyrtare, tabelave publike, broshurave dhe formave të tjera te njoftimit.

Dragisha Bujić, zyrtar për buxhet tha se komuna e Ranillugut nuk ka ndonjë listë se cilat dokumente zyrtare do të jenë të hapura për publikun mirëpo beson se me emërimin e një zyrtari se shpejti kuvendi do te bëjë edhe listën se cilat dokumente do të jenë publike dhe cilat jo dhe pastaj këtë listë do ta bëjnë publikë në webfaqen e komunës.

Me tutje, ai shtoi se pjesëmarrja e publikut në planifikimin e buxhetit është i mirë, por ka ende hapësirë për përmirësim dhe me theks të veçantë një pjesëmarrje më e shtuar e shoqërisë civile dhe qytetarëve është e nevojshme.

OJQ-së, NOPM dhe stafit i mbetet të avokoj për emërimin e një zyrtari komunal për qasje në dokumente zyrtare i cili me gjasë shumë shpejtë do të emërohet nga kuvendi komunal i Ranillugut.

Në fund gjatë punëtorisë dolën konkluzionet dhe rekomandime për rritjen e transparencës, pjesëmarrjen e publikut në planifikimin e buxhetit dhe qasjen në dokumente zyrtare .

Komuna duhet të bëjë përpjekje të vazhdueshme për ngritjen e pjesëmarrjes së qytetarëve në procesin e vendim marrjes dhe transparencës. Kjo punëtori u organizua në kuadër të projektit “Rritja e transparencës përmes pjesëmarrjes në qeverisje, buxhet dhe qasjes në informata publike dhe dokumente”, që implementohet nga OJQ “NOPM” dhe financohet Fondacioni për Shoqëri të Hapur – KFOS. /rajonipress/