Ramiz Krasniqi uron futbolldashësve të sportit Kosovar një vit të mbarë

Gjilan – Përzgjedhësi i Kosovës në futboll U19, Ramiz Krasniqi, i cili me Përfaqësuesen e Kosovës U19, në vitin sapo e lam ka arritur rezultate impozante me futbollistët e tij. Në prag të fund vitit, Krasniqi në mesazhin e tij drejtuar opinionit ndër të tjera ka theksuar.

“Po e lëmë një vit me shumë sakrifica të cilat na përcollën gjatë vitit 2017, shpresoj se viti 2018 do të jetë vit i mbarë për futbollistët kosovar, uroj që futbolli i Kosovës në arenën ndërkombëtare të jetë i përfaqësuar në mënyrë të dinjitetshme sidomos për klubet e Kosovës. Poashtu Përfaqësuesja A e Kosovës të jetë stabile, të jetë në binarët e sigurta drejt afirmimit të futbollit tonë. Do t’na presin sfida të reja me Përfaqësuesen e Kosovës U19 gjatë vitit të ardhshëm, uroj që në mënyrë profesionale t`i kryejmë detyrat tona të cilat na besojnë, uroj të gjithë futbollistëve Kosovar kudo që janë një vit me shëndet e suksese, uroj që viti 2018 për sportin e Kosovës të jetë një vit i mbarë e me suksese”./rajonipress/