Ramiz Krasniqi: Udhëtojmë në Portugali për të treguar cilësi
RajoniPress
18:40, 16 Mars, 2018
Gjilan – Përfaqësuesja e Kosovës U19 kishte bërë histori në muajin tetor të vitit të kaluar në shtetin e Austrisë, në ndeshjet parakualifikuese të “Elite Round” duke lënë mbrapa Austrinë, Letoninë dhe Izraelin duke u kualifikuar në garat kualifikuese e cila mbahet në Portugali me 21-27 mars.
Përfaqësuesja e Kosovës U19 e cila në gjirin e saj ka mjaft talent cilësor, nesër do të udhëton për shtetin e Portugalisë ku do të takohet me nikoqirin Portugalinë, Republikën e Irlandës dhe Sllovakinë.
Përzgjedhësi i Kosovës U19, Ramiz Krasniqi, i cili së bashku me stafin e tij janë më meritorët për kualifikimin e raundit tjetër në Portugali me punën të cilën kanë bërë tani e një kohë të gjatë.
Për përzgjedhësin e Kosovës U19, Ramiz Krasniqi, shkuarja në Portugali është një hap i madh për futbollin e Kosovës.
“Shkuarja e jonë në Portugali është një nder i madh për futbollin e Kosovës e në veçanti për këta talent të futbollit të cilët i kemi në Përfaqësuesen e Kosovë, do të jemi në mesin e 27 Kombëtareve më të mira në Evropë nuk kemi se çka të diskutojmë për cilësitë e kundërshtarëve për cilësitë e tyre që i posedojnë, por ne nuk ua kemi frikën askujt ne do të paraqitemi në mënyrën më të mirë që e posedojmë, ndërsa atmosfera tek djelmoshat është shumë e mirë dhe ne me dinjitet do ta përfaqësojmë futbollin e Kosovës në këtë kompeticion”.
Krasniqi me stafin e tij, ka kompletuar futbollistët më të mirë që i kanë në radhët e tyre në këto ndeshje do të mungon qendërmbrojtësi i talentuar Lumbardh Dellova, i cili në momentet e fundit ka probleme me dokumentacionin.
“Do të jetë hendikep për ne pasiqë do t’na mungon Dellova por ka probleme me dokumenta dhe na vjen keq për te pasiqë tani e një vit ishte pjesë e rregullt e Përfaqësueses si në ndeshje njashtu edhe në grumbullimet tona”.
Paraqitja e Përfaqësueses së Kosovës në Portugali është një dëshmi se me punë kualitative dhe profesioniste gjithçka arrihet ndërsa ne do të jemi krenar me ta gjatë tërë garave kualifikuese./rajonipress/
