Ramiz Krasniqi optimist në përzgjedhësit e tij

Gjilan – Nën drejtimin e përzgjedhësit të Përfaqësueses së Kosovës U-19, Ramiz Krasniqi dhe ndihmësit e tij, Nazmi Rama dhe Xhelal Karabeg, në stadiumin e qytetit të Ferizajit që nga sot për katër ditë me radhë, futbollistët e Përfaqësueses U-19 do të testohen dhe do të përzgjedhin për të krijuar Përfaqësuesen e Kosovës në futboll U-19.

Njëzet e pesë futbollist sa ishin në grumbullimin e parë dy ditorë, e më pastaj grupi i dytë do të jetë nga 17 e 18 qershor, po japin më të mirën e tyre për të lënë përshtypje sa më të mirë tek trajnerët e tyre.

Përzgjedhësi Ramiz Krasniqi, si gjithmonë modest lidhur me përgatitjet e djelmoshave të tij në grumbullimin katër ditorë theksoi.
“I kam ndarë në dy grupe, secili grup do ti ketë nga dy ditë paraqitjet e tyre, në mesin tone kemi futbollist të talentuar por duhet kohë që të adaptohen, përpos që kemi futbollist vendor kemi edhe nga diaspora dhe po kërkojmë së bashku me ndihmësit e mijë të përzgjedhim më të mirët, pasiqë siç dihet në muajin tetor jemi në kualifikime për Kampionatin Evropian i cili do të mbahet në Finlandë dhe kemi tri ndeshje shumë të vështira me Austrinë, Izraelin dhe Lituanin, ndeshje të cilat do të zhvillohen brenda 7 ditësh, andaj duhet të jemi shumë të kujdesshëm në përzgjedhjen tonë dhe do të bëjmë çmos që mos t`i hymë ndokujt në hakë”, shprehet përzgjedhësi Ramiz Krasniqi./rajonipress/