Ramiz Krasniqi: Nuk do të dorëzohemi

Trajneri i Kombëtares së Kosovës U19, Ramiz Krasniqi, pas humbjes nga Ukraina në ndeshjen e parë të Grupit të 3-të në Main Round, e vlefshme për Evropianin 2023, ka deklaruar se ne ndeshjet e radhës do të kërkojnë më të mirën e mundshme.

“Humbja në çastet e fundit është e dhimbshme, por ky është futbolli. Kemi qenë të vetëdijshëm se Ukraina është një kundërshtar i fortë. I përgëzoj djemtë për një angazhim maksimal, disiplinë dhe karakter të fortë. Ne nuk do të dorëzohemi në asnjë mënyrë. I kemi edhe dy ndeshje dhe do të kërkojmë më të mirën e mundshme. Është e qartë se kërkohet fitore dhe ne synojmë të fitojmë ndonëse nuk është aspak e lehtë”, ka theksuar Krasniqi.

Dardanët U19 të dielën, më 20 nëntor takohen me Suedinë në orën 18.30 në të njëjtin stadium.

Shpërndaje.
© RAJONIPRESS