Ramiz Krasniqi brenda dy javësh grumbullon për herë të dytë futbollistët e Kombëtares U-19

Përzgjedhësi i Kombëtares së Kosovës U-19, Ramiz Krasniqi, pas grumbullimit të parë pas lehtësimit të masave COVID -19 nuk ka të ndalur, ai menjëherë ka ftuar për grumbullimin e dytë futbollistët në kampin e Federatës së Futbollit të Kosovës në kompleksin në Ajvali për tri ditë me radhë, për ti verifikuar edhe njëherë futbollistët e ftuar për formën e tyre momentale.

Përzgjedhësi Krasniqi ka theksuar se nëpërmjet këtyre grumbullimeve ne mundemi të arrijmë më tepër të njohim kualitetin e futbollistëve.

“Ky grumbullim do të jetë tre ditorë duke filluar nga 12-14 qershor, numri i futbollistëve do të jetë 28 futbollist prej tyre 4 portjera, do të bëjmë stërvitje tekniko-taktike por shpresoj se do të kemi edhe ndeshje kontrolluese, kësaj radhe do të na bashkëngjiten 4-5 futbollist nga diaspora dhe pas këtyre tri ditëve do të përzgjodhi futbollistët që do të udhëtojnë në Tiranë ku do të kemi dy ndeshje miqësore(Vëllazërore) me Kombëtaren e Shqipërisë. Për të gjithë futbollistët ky do të jetë një test për të treguar potencialin e tyre duke ditur se ky vit për Kombëtaren tonë është një vit mjaft i ngjeshur me sfidat të cilat do të na presin”, ka theksuar përzgjedhësi i Kombëtares së Kosovës U-19, Ramiz Krasniqi.

Takimet miqësore me Kombëtaren e Shqipërisë, “Dardanët” nga Kosova do ti zhvillojnë me 16-17 qershor në Tiranë./rajonipress/