Ramiz Azizi, takon kryetarin e Komunës së Gjilanit, Lutfi Haziri

Gjilan – Kryetari i Gjykatës Themelore të Gjilanit, Ramiz Azizi gjatë ditës së martë ka pritur në një takim Kryetarin e Komunës së Gjilanit, Lutfi Haziri, me të cilin kanë biseduar rreth sigurisë në regjionin e Gjilanit.

Azizi ka njoftuar mysafirin për marrjen e mandatit si kryetar i Gjykatës, sfidat dhe problemet që ka ky institucion.

I pari i gjykatës ka premtuar që sundimi i ligjit dhe eliminimi i dukurive negative do të jetë prioriteti kryesor gjatë mandatit të tij.

Nga ana tjetër, Haziri pasi ka uruar marrjen e mandatit kryetarit Azizi, ka ofruar bashkëpunim të mëtutjeshëm në të gjitha fushat.

Të dy mysafirët janë dakorduar që gjendja e sigurisë në regjionin e Gjilanit, është e qetë dhe stabile thuhet në njoftimin e Sabit Shkodrës zëdhënës i Gjykatës./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).