Ramiz Azizi ka pritur në takim Recep Gunduz

Gjilan – Kryetari i Gjykatës Themelore të Gjilanit, Ramiz Azizi ka pritur në një takim Koordinatorin e Qendrës Kulturore të Kosovës në Bursa të Turqisë, Recep Gunduz. Gjatë takimit është biseduar për shumë tema, por me theks të veçantë, shkëmbimin e përvojave dhe ideve në mes Gjykatës Themelore të Gjilanit me sistemin gjyqësor të Bursës.

I pari i gjykatës, ka çmuar angazhimin e koordinatorit Gunduz për çështjen e shqiptarëve në Bursa, si në çështjen kulturore, arsimore dhe fusha të tjera.
“Ju keni merita të mëdha për të drejtat e shqiptarëve në Bursa dhe ju inkurajoj të vazhdoni edhe më tutje në këtë drejtim, pasi që dihet që ka shumë shqiptar në shtetin e Turqisë”, ka thënë Azizi.

Nga ana tjetër koordinatori Gunduz, ka falënderuar kryetarin Azizi për mikpritjen, duke i kërkuar që në të ardhmen e afërt të realizohet një vizitë në qytetin e Bursës, nga një delegacion i Gjykatës Themelore të Gjilanit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).