Ramë Maraj e Ismet Beqiri kanë gisht në atentatin ndaj Ibrahim Rugovës?

Agim Hoti, ka mohuar të ketë deklaruar ndonjëherë se Xhavit Haliti qëndron prapa atentatit ndaj ish-Presidentit Ibrahim Rugova. Tash Hoti përgjegjës për këtë atentat i bënë “bandat kriminale”, siç shprehet ai si “ajo e Ismet Beqirit”.

Po ashtu Hoti për këtë atentat ka drejtuar gishtin edhe nga Ramë Maraj.

Hoti në një intervistë për “Bota sot”, edicioni i perëndimi, ka thënë: “këto janë vetëm spekulime të mediave, unë nuk e kam dhënë një deklaratë të tillë ose e kam dhënë pa vetëdije të plotë apo edhe dikush tjetër ka mundur të përgjigjet në emrin tim. Xhavit Halitin e njoh vetëm si deputet, kurrë nuk jam takuar me të,madje nuk kam pirë as kafe kurrë. Artan Nimanin e kam pasur profesor, shok, bashkëvendës, kaq të them për të”.

I pyetur nëse qëndron pas asaj që është deklaruar në media deri tash se Xhavit Haliti, Artan Nimani… e kanë shtyrë të bëj atentat ndaj Rugovës, ai është përgjigjur: “këto janë vetëm spekulime të mediave…”.

Ai po ashtu e ka mohuar ta ketë ditë se do të vijë atë ditë Solana, kur është organizuar atentati ndaj ish-Presidentit Rugova.

“Ku kam pasur me e ditë unë se do të vijë Javier Solana. Atë e ka ditë shefi i sigurimit, Ramë Maraj, i cili e ka organizuar vetë këtë. Dhe si shkak i kësaj edhe drejtoresha e burgut, Andeta Maraj, që është mbesa e Ramë Marajt ma ka inat këtu në burg, qysh prej atyre spekulimeve. Andaj sulmet ndaj ish-Presidentit Rugova i kanë organizuar bandat kriminale, si ajo e Ismet Beqirit”, ka thënë Hoti.

Në fund të kësaj interviste, thuhet se kjo intervistë është bërë më 25 qershor me leje të prokurorit të EULEX’it, Jonhtan Carroll.