Ramadani: Serbia e Rusia bashkë me Vulinin janë në festë, punëtori i tyre u bë zv.kryeministër i RMV-së
RajoniPress
07:38, 24 Qershor, 2024
| 12 muaj më parë
Ish- zyrtari i AKI-së, tash ekspert i çështjeve të sigurisë Burim Ramadani ka paralajmëruar për zgjedhjen e shokut të mirë dhe bashkëpunëtorit të Aleksandar Vulinit në krye të qeverisë së re maqedonase.
Ai ka thënë se që nga dje, Rusia e Serbia kanë arsye për festë
“Punëtori i tyre u bë Zv/Kryeministër i Maqedonisë së Veriut”, ka thënë Ramadani.
Në Maqedoninë e Veriut këtë detyrë e mori Ivan Stoilkoviq.
“Një shtet i NATO-s sonte bëri Zv/Kryeministër njeriun që krejtësisht hapur na tregohet si punëtor i Rusisë dhe Serbisë. Tash, ai është homolog zyrtar i Aleskandar Vulinit, Zv/Kryeministër i Serbisë”, ka paralajmëruar Ramadani.
“Mandej, po pyesni ku dhe si po ndikon Rusia e Serbia? Festoni tash se si një vend i NATO-s ia dhatë një shpërblim Rusisë e Serbisë!”, ka shkruar ai.
