Ramadani: FSK nuk do të jetë temë e bisedimeve me Serbinë

Misioni i FSK-së do të nis ndryshimin me ligj, pasi që aktualisht duket e pamundur që serbët të votojnë ndryshimet kushtetuese.

Zv.ministri i FSK-së, Burim Ramadani, tha në RTK, se kjo fazë tranzicioni do të nis për pak javë, dhe ndërkohë në momentumin e duhur të ndodhë edhe ndryshimi kushtetues.

“Për tranzicionin ne kemi mirëkuptimin e plotë të aleatëve tanë dhe nuk presim reagim negative”, ka deklaruar Ramadani.

Sipas tij, situata aktuale nuk mund të zgjasë pakufij dhe shpejt do të nis misioni i ri i FSK-së.

Ndërkohë ai ka hedhur poshtë mundësinë që në një marrëveshje ndërkombëtare mes Kosovës dhe Serbisë, të jetë temë edhe FSK-ja.

“Nuk ka asnjë gjasë që FSK-ja të jetë temë me Serbinë”, deklaroi Ramadani.

Ai ishte mjaft kritik edhe për arrestimin e pjesëtarëve të FSK-së nga Serbia, duke thënë se qëllim ka frikësimin e tyre, por sipas tij këtë Serbia nuk do ta arrijë.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).