Ramadani: Barazimi ndoshta është rezultat real

Gjilan – Trajneri i Dritës, Zekirija Ramadani, pas derbit kundër Gjilanit, ka theksuar se barazimi ndoshta është rezultat.

“Golat, dyluftimet, kartonat janë pjesë e derbit. Lëshuam dy pikë me të nisur ndeshja. Kaluam në avantazh. Jo që nuk na rrezikoi Gjilani, por golin e parë e shënuam ne. Te goli i dytë na ra përqendrimi, por nuk është e lehtë të luash tri ndeshje rresht shumë të vështira, në fusha të vështira. E menaxhuam mirë rezultatin pasi mbetëm me një lojtar më pak në fushë. Barazimi ndoshta është rezultat real. Kur nuk fiton, është mirë mos ta humbësh ndeshjen. Këtë sot e arritëm me shumë mund, shumë sakrificë”, ka theksuar Ramadani.

Pas këtij barazimi, Drita nuk arrin që të behet lidere e Superliges, dhe mbetet në pozitën e tretë me 50 pikë dy më pak se lideri Ballkani, ndërsa Gjilani gjendet në pozitën e shtatë me 26 pikë./rajonipress/