Rama: Rrezikun terrorist ta luftojmë së bashku, pa hequr dorë nga vlerat e shenjta

Rrezikun terrorist duhet ta luftojmë së bashku, por pa hequr dorë nga vlerat tona të shenjta, është shprehur kryeministri Edi Rama në takimin e nivelit të lartë “Harmonia Sociale për Zhvillim të Qëndrueshëm: Promovimi i mirëkuptimit dhe respektit në kohën e intolerancës”, nismë e iniciuar nga Shqipëria.

Kësaj nisme iu bashkua Jordania dhe Vatikani, dhe të pranishëm ishin Zëvendës Kryeministri dhe Ministri i Punëve të Jashtme i Mbretërisë së Jordanisë, Nasser Judeh, Kryeipeshkvi Paul R. Gallagher, Sekretar i Marrëdhënieve me Shtetet i Selisë së Shenjtë etj, transmeton tch.

Rama evidentoi se vendi ynë është një model në bashkekzistencën paqësore dhe një vend i vëllazërisë fetare, por historia e Shqipërisë ka treguar se kemi ditur gjithnjë te ndërtojmë mbi të përbashkëtat dhe të respektojmë ndryshimet për sa i përket besimit fetar.

Ministri Bushati nënvizoi se historia e Shqipërisë dëshmon se nuk ekzistojnë pengesa në zhvillimin e një dialogu dhe komunikimi; ajo demonstron qartë një bashkëjetesë në paqe dhe harmoni, në një atmosferë respekti dhe besimi reciprok.

http://koha.net/?id=27&l=76740