Kryeministri i Shqipërisë, Edi Rama ka thënë se s’pajtohet me Bashkimin Evropian dhe Shtetet e Bashkuara të Amerikës të cilat në komunikatën e përbashkët përkufizuan barrikadat si mjet paqësor për protest.
Rama përmes një reagimi në “twitter” tha se pas 434 vjetësh barrikada hyri në listën e mjeteve të protestive paqësore me bekimin e Washingtonit dhe Brukselit, raporton Express.
Ai ka thënë se shpreson në mirëkuptimin e aleatëve, por s’pajtohet fare me konstatimin e tyre për barrikadat si mjet të protestave paqësore.
“Ah po, diçka e padëgjuar ndodhi! Doli kuptimi i ri i barrikadës, e cila pas 434 vjetësh hyri në listën e mjeteve të protestës paqësore me bekimin e BE dhe të SHBA! Shpresojmë në mirëkuptimin e aleatëve tanë strategjikë për të mos qenë dakord në këtë pikë. Po fare!”, ka shkruar Rama.
