Rahimaj pret në takim Ministrin Aliu, diskutojnë për bashkëpunim në disa projekte

Kamenicë – Kryetari i Komunës së Kamenicës, Kadri Rahimaj, së bashku me shefin e kabinetit Vaxhid Rexhepaj, drejtorin e Drejtorisë së Urbanizmit, Uran Berisha, kanë pritur në takim Ministrin e Ministrisë së Mjedisit, Planifkimit Hapësinor dhe Infrastrukturës, Liburn Aliu me bashkëpunëtorët e tij.

I pari i komunës ka thënë se në takim është diskutuar për projektet që janë në proces si dhe për mundësitë e bashkëpunimit për projekte të tjera. “Kam pritur në takim Ministrin e Mjedisit, Planifikimit Hapësinor dhe Infrastrukturës, z.Liburn Aliu, me bashkëpunëtorët e tij. Kemi diskutuar për projektet të cilat janë në proces, duke i parë edhe punimet nga afër, si dhe për mundësitë e bashkëpunimit me ministrinë për projektet të cilat sot i prezantuam. Bashkëpunimi me nivelin qendror, sa vjen e rritet, duke pasur qëllim gjithmonë interesat dhe zgjidhjen e problemeve të qytetarëve”, ka thënë Rahimaj./rajonipress/

Shpërndaje.
© RAJONIPRESS