Rahimaj nënshkruan Memorandum Bashkëpunimi me American Advising Center

Kamenicë – Kryetari i Komunës së Kamenicës, Kadri Rahimaj, ka nënshkruar Memorandum Bashkëpunimi me Rrezarta Fondaj nga American Advising Center lidhur për mundësitë e studimeve në SHBA për nxënësit e Kamenicës.

I pari i komunës ka thënë se ky memorandum përfshin ofrimin falas të trajnimeve, kurseve të gjuhës, punëtorive dhe sesioneve informuese.
“Partneritet me AAC-EdUSA Kosovo për mundësi studimesh në SHBA, për nxënësit e Kamenicës. Bashkë me Rrezarta Fondaj nga American Advising Center, kemi nënshkruar Memorandumin e Bashkëpunimit, për partneritet dhe bashkëpunim të ndërsjellë, për të rinjët e Kamenicës.Ky bashkëpunim do të mundësojë ofrimin falas të trajnimeve, kurseve të gjuhës, punëtorive dhe sesioneve informuese për mundësitë e studimeve në SHBA”, ka njoftuar Rahimaj./rajonipress/

Shpërndaje.
© RAJONIPRESS