Rahimaj: Edhe pas ditës së tretë të përballjes me vatrat e zjarrit, situata në terren mbetet tejet shqetësuese

Kamenicë – Ekipet e zjarrfikësve, edhe në orët e vona të natës, po punojnë pandërprerë për të lokalizuar dhe shuar zjarret, të cilat po përfshijnë sipërfaqe gjithnjë e më të mëdha. Shumë prej këtyre zonave janë tepër të vështira për t’u arritur me mjetet të punës. Pavarësisht lodhjes dhe faktit që nuk kanë pasur asnjë ditë pushimi, zjarrfikësit po japin maksimumin për të mbrojtur jetën, pronën dhe mjedisin ka shkruar Kadri Rahimaj.

Postimi i plotë:

Qendra e Zjarrfikësve është në koordinim të plotë me Agjencinë për Menaxhim Emergjent, si dhe me ekipet profesionale të KFOR-it, për të garantuar ndërhyrje sa më efikase në çdo vatër.

U bëjmë apel të gjithë qytetarëve që të tregojnë kujdes maksimal në natyrë dhe t’u shmangen veprimeve që mund të shkaktojnë zjarr.

Po ashtu, u kujtojmë pronarëve të pronave private se ndezja e zjarreve është e ndaluar dhe paraqet rrezik serioz për jetën dhe mjedisin./rajonipress/