Ragmi Mustafa: Serbia po bën përpjekje për t’i asimiluar shqiptarët

Kryetari i Partisë Demokratike Shqiptare (PDSH), Ragmi Mustafa, ka shprehur shqetësimin se shqiptarëve në Luginën e Preshevës u mohohen të drejtat themelore, ndërsa sipas tij, Serbia po bën përpjekje për të asimiluar shqiptarët.

“Kjo sjellje e Serbisë pa dyshim është përpjekje e vazhdueshme për të asimiluar shqiptarët, por aq më shumë u jep forcë shqiptarëve që të këmbëngulin në këto të drejta dhe të identifikohen me flamurin kombëtar siç identifikohen shqiptarët në Shqipëri, Kosovë, Maqedoni, Mal të Zi e gjithandej. Prandaj, një përpjekje e vazhdueshme e Shqipërisë në këtë fushë duhet të jetë më e intensifikuar në një shkallë më të lartë”, ka thënë Ragmi Mustafa në një intervistë për “Ora News”.

Ai ka folur edhe për ndalimin e kreut të AAK, Ramush Haradinaj, duke e cilësuar këtë të fundit si hero të Kosovës, ndërsa ka deklarur se duhet hetuar gjenocidi i Serbisë.