Ragmi Mustafa: Lugina po zbrazet, 2 mijë shqiptarë u shlyen nga regjistrat në Medvegjë

Kryetari i Këshillit Nacional të Shqiptarëve në Serbi, Ragmi Mustafa, ka thënë që klasa politike në Kosovë të mos bëjë konstatime për gjendjen e shqiptarëve në Luginën e Preshevës, por të ndihmojë ata banorë.

Mustafa, në “Dossier D” në RTV Dukagjini, ka thënë se mungesa e kuorumit në Kuvendin e Kosovës qoftë edhe për votimin e një rezolute për shqiptarët e Luginës së Preshëvës tregon shenja mos serioziteti.

Kryetari i Këshillit Nacional të Shqiptarëve thotë se 19 vite pas Marrëveshjes së Konçulit asgjë nuk ka lëvizur në të drejtat e shqiptarëve.

“Duke pasur parasysh të dhënat demografike, po ndodh një shpopullim i madh i shqiptarëve sidomos atyre në Medvegjë. Jo zyrtarisht mësohet se rreth 2,000 shqiptarë janë shlyer nga regjistrat e gjendjes civile, ndërsa rreth 1,000 të tjerë në Preshevë e trojet e tjera. Duhet pasur parasysh se popullata e përgjithshme e Medvegjës nuk shkon më shumë se 5,000 banorë”, tha ai, përcjell Telegrafi.

Mustafa thotë se aktualisht në shkollat shqipe në Luginën e Preshevës ndjekin mësimin rreth 7 mijë nxënës, ndërsa sipas tij dhjetë vite më parë mësimin në këto shkolla e kanë ndjekur mësimin rreth 4 mijë nxënës shqiptarë më tepër.

“Pasur parasysh këto shifra, rënia në pesë vitet e fundit është rreth 26%, ndërsa për dhjetë vite rënia është rreth 41%. Kjo tregon se ka shpopullim të atyre vendeve”, tha Mustafa./Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).