Ragmi Mustafa: Çështja e Luginës duhet të përfshihet në dialog, është gabim nëse kjo s’ndodhë

Shqiptarët e Preshevës, Bujanocit dhe Medvegjës nuk kanë hequr dorë nga kërkesa e tyre historike për bashkim me Republikën e Kosovës.

Është Ragmi Mustafa, Kryetar i Këshillit Kombëtar në Luginë të Preshevës, i cili ka thënë se çështja e tyre duhet të përfshihet në negociatat në Bruksel në mes të Kosovës dhe Serbisë.

“Është qasje e gabuar kur mendohet se duhet të intervenohet vetëm në Kosovë në kuadër të dialogut, përfshirë Asociacionin e Komunave me Shumicë Serbe, serbët dhe të mos diskutohet për shqiptarët e Luginës.Kjo është qasje e kufizuar. Dialogu duhet të shkojë përtej kufijve dhe të diskutohet edhe për rregullimin administrativ, të pagjeturit… për kufijtë. Konsideroj se është e njëanshme nëse merret parasysh vetëm çështja brenda Kosovës dhe jo edhe në Serbi – në Luginë të Preshevës”, është shprehur ai në Sytë 7.

Ai ka theksuar se paqja afatgjatë mund të arrihet vetëm duke trajtuat edhe çështjen e Luginës së Preshevës në kuadër të dialogut.

“Besoj në bashkimin e Luginës me. Nuk mund të shkëputet në mënyrë eklatante se “vdiq kjo ide, vdiq ajo ide. Bashkimi është ëndërr, dëshirë e kamotshme që e kemi trashëguar brez pas brezi. A është ky moment se kjo do të ndodh nuk e di. Por do të vijë një kohë kur shqiptarët e Luginës do të jenë pjesë e Kosovës”, tha ai.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).