Qyteti i Gjilanit nikoqir i kampionatit individual shtetëror në boks

Gjilan – Qyteti i Gjilanit për dy ditë me 27-28 prill do të jetë nikoqiri i kampionatit individual shtetëror në boks për junior U16. për të rinjë U-18 dhe për senior ku do të marrin pjesë boksierët më të mirë kosovarë.

KB Drita në këtë kampionat do të merr pjesë me 6 boksier për secilën moshë me nga dy boksier duke shpresuar se do të tregojnë përformancë të mirë.

Ushtruesi i detyrës së selektorit për të rinjë dhe i sendorëve të boksit të Kosovës e poashtu trajner i KB Drita Musli Zymberi ka theksuar se në këtë kampionat do promovohet boks shumë cilësor.

“Jam i kënaqur që më në fund kampionati i Kosovës po mbahet në qytetin e Gjilanit kanë konfirmuar ardhjen shumë boksier ku për dy ditë nga data 27 prill nga ora 14 do të zhvillohen gjysmëfinalet ndërsa të dielën me 28 prill do të zhvillohet finalja nga ora 12 dashamirët e boksit për dy ditë rresht do të shohin boks cilësor e atraktiv”.

Duelet do të mbahen në Palestrën Sportive Bashkim Selishta – Petriti në Gjilan ku pritet një interesim i jashtëzakonshëm nga dashamirët e boksit./rajonipress/