Qytetari i ndërgjegjshëm e kthen portofolin e gjetur në stacionin Policor në Viti

Gjilan – Më datë 11.06.2023, rreth orës 12:25 nё Stacionin Policor nё Viti, ka ardhur qytetari i cili deklaron se kishte gjetur një portofol me dokumente personale dhe para të gatshme në shumë prej treqind e njëzet e një (321) euro dhe një frang Zvicerane.

Policia e Kosovës në Viti përmes rrugëve operative e ka gjet personin të citit i kishte humbur portofoli, dhe të njëjtit i kthehet sё bashku me dokumente dhe paratë qё i kishte nё të.

Me këtë rast Policia e Kosovës, falënderon qytetarin për veprimin e ndershëm dhe nivelin e lartë të përgjegjësisë qytetare.

Apelojmë tek qytetarët, qё shembuj tё tillë tё bashkëpunimit me Policinë e Kosovës tё vazhdojnë edhe nё tё ardhmen njoftoi Ismet Hashani./rajonipress/