Qytetarët shprehin interesim të lartë për planin zhvillimor komunal

Gjilan – Bekim Bajrami drejtor i urbanizmit tha se në takimet e shumta që po mbahen rreth planit zhvillimor komunal po marrin pjesë shumë qytetar të cilët po e begatojnë dhe pasurojnë iniciativën tonë që të jemi sa më afër kërkesave të tyre.

“Komuna e Gjilanit përmes DUPMM po del në terren dhe po është sa më afër bashkëqytetarëve të saj duke takuar ata në çdo lagje dhe duke kërkuar propozimet e sugjerimet prej tyre”. Kështu shprehet Bekim Bajrami drejtor i urbanizmit.

Bajrami tha se po vërehet një interesim i lartë i qytetarëve nga të gjitha pjesët e qytetit në takimet e punës që po i mbajmë për hartimin e Planit Zhvillimor Komunal dhe Hartimit të Zonave Komunale.

“Qytetarët po ofrojnë ide dhe përvoja nga më të ndryshmet të cilat do të na ndihmojnë në punimin e planit. Nuk flitet vetëm për ndërtim, por për të gjithë sektorët në zhvillimin e qytetit. Rëndësia e këtyre dy planeve ka bërë që pjesëmarrja të jetë sa më masive dhe në rritje e sipër në vazhdim” tha Bekim Bajrami./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).