Qytetarët reagojnë ashpër për ndarjen e 160 mijë eurove për shtatoret e Kadri Zekës e Ramiz Cërnicës

Gjilan – KPF e Gjilanit ka rekomanduar për Kuvend kërkesën për ndarjen e 160 mijë eurove për shtatoret e Kadri Zekës e Ramiz Cërnicës dhe ky propozim ka shkaktuar tërmet tek qytetarë të cilët e quajnë këtë veprim mendësi e epokës marksisto leniniste. Zejd Haziri qytetar ka shkruar leni more këto sene, investoni në rini, hapne najë vend të punës se do mu zbraz Gjilani krejt.

Propozimi i KPF për ndarjen e 160 mijë eurove për shtatorët e Kadri Zekës dhe Ramiz Cërrnicës është kritikuar ashpër nga qytetarët gjilanas dhe madje të gjitha këto komente janë shkruar në faqen e facebokk-it të Komunës së Gjilanit, pra nuk janë emra të trilluar siç pretendojnë shpesh do aktivistë e drejtora servila të pushtetit e Albin Kurtit.

Reshat Beqiri qytetar ka shkruar:”Askush nuk i harron njerëzit që kanë dhënë edhe jetën për liri, por mendësia e ndërtimit të shtatoreve e lapidarëve është mendësi e epokës marksisto-leniniste”.

Meti Bajraliu ka shkruar: “Me 160 mije€ 4 familje i kishit ba me shpija”.

Zejd Haziri ka shkruar: “Leni more këto sene, investoni në rini, hapne najë vend të punës se do mu zbraz Gjilani krejt”.

Euron Gjokaj ka ironizuar: “Tash pritni shtatoret se qato po na japin me hanger. Hajnia ka hyp në krye”.

Edhe, Naser Abdullahu ka shkruar: “Me 160 mijë euro, ku me dit sa rruga ish shtru”./rajonipress/