Qytetarët: Kurrë drejtësi s`ka pasur, gjithmonë ka fituar më i forti

Gjilan – Qytetarët gjilanas shprehen të zhgënjyer në sistemin gjyqësor në Gjilan e Kosovë. Pasha mixhën kurrë drejtësi s`ka pasur qysh duhet, gjithmonë ka fituar më i forti tha Muharremi qytetar gjilanas. Edhe të anketuarit e tjerë mendojnë se sistemi gjyqësor është i korruptuar përkundër rrogave të majme që i marrin.

Lëkundet besueshmëria e sistemit të drejtësisë, qytetarët tani flasin hapur se kurrë drejtësi në Kosovë ska pasur qysh duhet. Qytetarët e anketuar thonë se kjo drejtësi është për gjynah, është e korruptuar dhe merret me çeshtjet periferike.

Muharremi një i moshuar i moshës 72 vjeçare thotë se drejtësia gjithmonë ka munguar.”Pasha mixhën gjithmonë ka fituar i forti, ai që ka pasur pare ose ka dhënë ryshfet gjithmonë ka krye punë. I dobëti e fukaraja edhe për një kerr me dru është dënuar me dy vjet burgim, e tash po dyshohen për mijëra euro edhe po dalin e po ikin” shprehet Muharremi.

Zylfia një mësues thotë se kurrë s`ka besuar tek gjykatat. “Valla unë skam besue kurrë që ka drejtësi aty. Policia po i arreston, prokurori po ngritë aktakuzë, kur po shkon te Gjykata po del i pafajshëm. Një dreq mundet me i ra në fije kësaj pune” shtron dilemën Zylfia.

Mentori një student thotë se gjykatësit pa meritueshëm i marrin ato rroga të majme.”Gjykatësit veç në fotele dhe zyre edhe pagën e madhe, punë nuk kryejnë se lëndët janë të shumta. Korrupsioni aty lulëzon, nepotizmi gjithashtu” shprehet ai./rajonipress/