Gjilan – Lutfi Haziri të lutem merru me politikat lokale për të cilat je mandatuar nga unë dhe popullata tjetër e qytetit të Gjilanit. Në nivel qendror mua si gilangji nuk më përfaqëson me deklaratat e t`ua ka shkruar Arbër Rama.
Paraqitjet e shpeshta të Lutfi Hazirit rreth zhvillimeve të fundit në veçanti rreth taksës dhe ushtrisë kanë nxitur reagime të shumta në mesin e qytetarëve. Sidomos revolta rritet kur Gjilanin e mbulon bërlloku e papastërtia.
Qytetari Arbër Rama pas paraqitje së mbrëmeshme të Lutfi Hazirit në një televizion nacional ka shkruar në rrjetet sociale:” Zotri Lutfi Haziri mua nuk më përfaqëson ( si votues i juaj ) me këto qëndrimet e tua si nënkryetar i LDK-së rreth ushtrisë, taksës dhe takimit të sotëm Kosovë – BE. Të lutem merru me politikat lokale për të cilat je mandatuar nga unë dhe popullata tjetër e qytetit të Gjilanit. Në nivel qendror mua si gilangji nuk më përfaqëson me deklaratat e tua” ka shkruar Rama.
Edhe analisti Ardian Azemi ka kritikuar Hazirin për paraqitjet dhe kundërshtimet e tij të fundit. “Lutfi Haziri paraqitjen e kryeministrit Haradinaj e quan popullizëm. Dmth, popullizëm është me e mbrojt shtetin dhe interesat e popullit tënd, ndërsa partneritet është kur heq dorë nga vetvetja dhe i nënshtrohesh thirrjeve me hjek dorë nga vetvetja. Shyqyr që nuk jeni ju tani në qeverisje, saktë po e dijmë çka kishit bërë” ka shkruar Ardian Azemi./rajonipress/
