Qytetarët kërkojnë hetime nga Prokuroria, Ramiz Ramadani arsyeton investimin prej 100 mijë eurove

Gjilan – Blerja e 35 lopëve në vlerën e 100 mijë eurove ka nxitur reagime, akuza e debate të shumta të qytetarëve nëpër rrjetet sociale. Qytetarët madje këtë investim e kanë quajtur si shpërlarje e parave, korrupsioin e krim i organizuar. Por Ramiz Ramadani drejtor i bujqësisë ka dhënë pasyqrën e saktë të investimit.

Gëzim Rrustemi qytetar ka thënë se ky projekt është shpërlarje parash, hajni me dokumenta e krim i organizuar, në këto donacione ku është prokuroria e policia që duhet me reague e me hetue rastin se si po vjedhen parat ka shkruar ky qytetar.
Komuna 28,000
Donatori 59,000
Fermeret 14,000 që kanë paguar 400 * 35= 14,000 çdo fermer i cili e fiton një lopë
Gjithsej 101,000
Këta kanë investuar në krerë lope 100,000 €?!
Ku mbeten 1,000 € ?
Sa kushtuan ato krerë lope
100,000 / 35 = 2,857.14 Euro
Shumë bre shtrejt një lopë 2,857.14 euro ka shkruar ky qytetar.

Kurse Ilir Koprani ka thënë 2857 euro një mushtjerr a hajni ordinere turpi ju ka mbuluar o drejtor derisa Shaban Rexhepi ka shkruar a e dini kush ka fitue këtu? 2,857€ një lopë as në Zvicër nuk është ky çmim! A traktor keni shpërnda a lopë ka ironizuar ky qytetar

Por, Ramiz Ramadani drejtor i Bujqësisë e jep versionin e tij të investimeve duke larguar dilemat se aty ka dallavere.

Sipas tij 59.000 euro është vlera e donacionit që ju ka dediku këtij projekti. 28.000 euro është participimi i komunës që përfshin shpenzimet e transportit, doganës, karantinës dhe monitorimit dy vjeçar të projektit nga ozhr Meshqerra.

Ndërsa 14.000 euro është participimi i fermerëve që ju kthehet cent për cent fermerëve me koncentrat, shërbime veterinare, këshillime etj. Krejt këto bashkë e kalojnë 100.000 euro, një provokim i vogël për hajdutet dhe një matematik pak e koklavitur ka thënë Ramadani./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).