Qytetarët gjilanas të zhgënjyer me qeverisjen komunale: Asgjë nuk po ec si duhet

Gjilan – Qytetarët gjilanas kanë vlerësime negative për punën e qeverisjes komunale duke e quajtur të paaftë, të paditur dhe larg asaj që është pritur nga një formacion i tillë. Seancat po dështojnë, projektet me zero investime, rrugët të bllokuara, të anashkaluar nga Qeveria.

Derisa Kamenica e Vitia pothuajse çdo ditë promovojnë projektet e tyre dhe grantet e fituara, komuna e Gjilanit është ngulfatur keq nga mos dija dhe qeverisja e praktikantëve, të cilët e kanë humbur udhën në oborr për t`i sjellur një të mirë Gjilanit.

Mentori qytetar gjilanas thotë se është ithtar i LVV por që është gabuar rëndë.”Vallah rëndë kam gabuar sepse kam besuar blanko te Albin Kurti. Tash po e shoh që këta njerëz ishin dështimi më i madh që ka mundur t`i ndodh Kosovës. Jemi izoluar nga të gjitha anët e Liburni dhe Albani krekoseshin dje duke thënë po punohet në mënyrë intensive. Po demagoga i kish fal zoti bre” shprehet i mllefosur Mentori.

Remziu një qytetar tjetër thotë se Gjilani kurrë më keq nuk ka qenë në historinë e vet.”Po e kemi një qeverisje sterile, pa vizion, pa organizim, pa dije e guxim. Këta njerëz ende asnjë të mirë nuk ia sollën Gjilanit. Ky koalicion bash asnjë vlerë se ka treguar, e që janë turpi i këtij qyteti” shprehet Remziu.

Muhameti një pensionist mendon se Gjilani po udhëhiqet nga njerëz që nuk kanë haber për shtet.”Unë jam pensionist ama lexoj dhe i shoh senet çdo ditë. Nuk e di veç mos me ditën një punë me krye deri në fund veç këtë pushtet të budallakaftë e kam pa” shprehet me ironi pensionisti./rajonipress/