Qytetarët gjilanas me zhgënjim ekstrem për mungesën e projekteve madhore

Gjilan – Në Gjilan ende nuk është parë ndonjë projekt serioz që nga ardhja e LVV në qeverisje. Qytetarët thonë se mungesa e përvojës dhe amatorizmi i kësaj qeverisje e ka lënë Gjilanin të izoluar në të gjitha drejtimet.

Komuna e Gjilanit vazhdon të ngecë pothuajse në të gjitha drejtimet. Mungojë projektet e mëdha, mungojnë investimet serioze, mungon dija, eksperienca, ndërsa tek qeverisja lokale dominon padituria dhe qasja për ta zhvilluar qytetin e Gjilanit.

Elhamia qytetar gjilanas thotë se jemi të humbur dhe tw izoluar si komunë e Kosovës.
“Qeveria qendrore nuk e ka pasur asnjëherë prioritet Gjilanin për këtë arsye edhe po mungojnë investimet. Unë jam vet në LVV po kjo çka po ndodhë me neve është turp i turpit. Asnjë projekt të nisur nuk e kanë përfunduar qysh duhet” shprehet ai.

Kosumi një qytetar tjetër mendon se koha e faljes së amatorizmit ka kaluar më.

“Edhe unë kam mendar se u duhet më shumë kohë kësaj qeverisje derisa të mësohet si duhet me u sjell me qytetarin dhe buxhetin, por koha e gabimeve ka kaluar më. Këta qeveritar të paditur duhet të dënohen keq me votë sepse çdo vazhdim me këta njerëz për Gjilanin është kapitullim” tha Kosumi. /rajonipress/