Qytetarët edhe më shumë të zhgënjyer, nuk presin ndryshime as në vitin 2023

/ 2 minuta lexim
Fundamenti

Gjilan – Gjilani po vazhdon të mbetet rajoni më i pazhvilluar dhe më i goditur nga qeverisja e dobët dhe e paditur. Me këta praktikantë edhe pjesa e dytë e vitit 2023 do të shkoj në dëm të gjilanasve shprehen qytetarët.

“Kur pushtetin e kanë në dorë praktikantët dhe të paditurit pasojat do të jenë shumë të rënda për Gjilanin” shprehet Zekria një gjilanas 46 vjeçar.

“Dora mu thaftë që ua kam dhënë votën sepse mendova që do të ketë ndryshim e zhvillim, vetëm dje kur ra shi Gjilani dukej sikurse knet” shprehet ky qytetar i revoltuar.

Uji Dea

Emrushi një aktivist tjetër që thotë se i takon PDK-së në vërtet thotë se gabime bëri edhe PDK-ja që hyri në qeverisje me këta praktikantë.”Edhe PDK është bashkëpjesëmarrëse e shumë krimeve institucionale. U futën në qeverisje vetëm për interesa të tyre dhe jo për qytetin, po më mirë vonë se kurrë. Me këta të VV Gjilani ka me përjetue degradimin më të madh të mundshëm në historinë e vet” thotë Emrushi.

Por, Selmani mendon se LVV ende po merret me gabimet e të tjerëve që janë trashëguar nga pushtetet e kaluara.

”Alban Hyseni nuk është supermen me i ndreq për një ditë gjithë ato lëshime e gabime, duhet edhe pak kohë, edhe pse personalisht edhe unë kam vërejtje në këtë stagnim sepse koha po ikë” shprehet Selmani./rajonipress/