Qytetarët e Kosovës pro dhe kundër vaksinës anti-COVID

Disa vende tashmë kanë filluar ta përdorin përsëri vaksinën AstraZeneca pasi që rregullatori i ilaçeve në Evropë ka arritur në përfundimin se vaksina është e sigurt dhe efektive.

Kjo vaksinë do të jetë e para që do të vjen në Kosovë si pjesë e programit COVAX.

Mirëpo një pjesë e qytetarëve të Kosovës janë shprehur skeptikë sa i përket kësaj vaksine.

“Unë personalisht nuk do ta kisha marrë këtë vaksinë”, shprehet qytetari Bahri Rashiti për RTV Dukagjinin.

“Ndoshta do ta kisha marrë por varet se nga cili prodhues do të jetë ajo vaksinë”, shprehet qytetari tjetër Destan Gashi, përcjell Telegrafi.

Megjithatë ka edhe optimizëm në raport me ardhjen e vaksinave në vend.

“Kisha pasur vullnetin ta marrë vaksinën. Duhet ta marrin të gjithë besoj”, shprehet qytetari Shkodran Istrefi.

“Nuk është e lehtë me marrë, por duhet me marrë se nuk kemi rrugë tjetër”, shprehet me hezitim qytetari Azem Shpanca./Telegrafi/