Qytetarët e Kamenicës të pa informuar rreth punës së Kuvendit Komunal

Kamenicë – Sipas të gjeturave të hulumtimit ende vërehet se qytetarët nuk janë në dijeni dhe të informuar lidhur me punën e komunës në përgjithësi derisa si breng më e madhe e qytetarëve mbetet përformanca e kuvendit komunal, varfëria dhe shërbimet e dobëta të kujdesit shëndetësor, rreth 80% të anketuarve janë përgjigjur se autoritetet komunale mund t`i zgjedhin problemet e komunës me një përkushtim më të madh të administratës dhe kuvendit komunal.

Në kuadër të projektit “Promovimi i Kodit te Etikës dhe përmirësimi i llogaridhënies dhe transparencës ne Kamenicë” të financuar nga Ambasada e Shteteve te Bashkuara te Amerikës në Prishtinë dhe të zbatuar nga OJQ Network of Peace Movement/Rrjeti i Lëvizjes Paqësore ka organizuar një tryezë të rrumbullakët mbi qeverisjen e mire, etikën dhe llogaridhënien në nivel lokal në Kamenicë.

Ne këtë tryeze Drejtoresha e OJQ-së, NOPM Besime Tusha, njëherë edhe projekt menaxherja e projektit, ka prezantuar raportin mbi të gjeturat e anketimit lidhur me kënaqësinë e qytetarëve ndaj shërbimeve publike komunale dhe përgjegjësitë e komunës, si dhe ka prezantuar draft kodin e etikës për të zgjedhurit e popullit.

“Qëllimi i kësaj tryeze është të rrisë vetëdijen e publikut dhe fuqizimin e etikës publike në nivel lokal si dhe të theksoj rolin dhe përgjegjësit e komunës që të jetë transparente, krijoj mundësi për informacione të qasshme për publikun dhe të siguroj se procesi i vendim-marrjes komunale të jetë sa ma transparent dhe i përgjegjshëm”, ka thënë Tusha.

Raporti nga gjetja e anketimit të kryer me qytetarët e komunës së Kamenicës, është kryer nga vullnetarët e OJQ Rrjeti i Lëvizjes Paqësore (NOPM) me rreth 100 qytetar të komunitetit shqiptar, serb dhe romë, qëllimi i këtij studimi-anketimi ka qenë matja e shkallës e kënaqësisë së qytetarëve ndaj shërbimeve publike komunale dhe përgjegjësitë e komunës.

Sipas të gjeturave të hulumtimit ende vërehet se qytetarët nuk janë në dijeni dhe të informuar lidhur me punën e komunës në përgjithësi derisa si breng më e madhe e qytetarëve mbetet përformanca e kuvendit komunal, varfëria dhe shërbimet e dobëta të kujdesit shëndetësor, rreth 80% të anketuarve janë përgjigjur se autoritetet komunale mund t`i zgjedhin problemet e komunës me një përkushtim më të madh të administratës dhe kuvendit komunal.

Sa i përket punës së Kuvendit Komunal dhe Komitetit për Politik dhe Financa të anketuarit nuk janë shumë të informuar lidhur me obligimet dhe detyrat e anëtarëve të kuvendit si pasojë e mos informimit se çka realisht ndodhë në seancat e kuvendit komunal.

Sipas pjesëmarrësve raporti nga gjetja e anketimit të kryer me qytetarët e komunës se Kamenicës, është një raport gjithëpërfshirës, shumica e debatuesve kanë dhënë mendimet e tyre duke mos munguar edhe kritikat mbi të gjeturat e këtij raporti./rajonipress/