Qytetarët e Kamenicës nuk e falin Kadri Rahimajn, kërkojnë më shumë rrugë të asfaltuara

Kamenicë – Betim Vokshi qytetar i ka shkruar Kadri Rahimajt: Asfaltimi i rrugës Shipashnicë KIKA e cila është jetike për banorët edhe për zhvillimin e turizmit, ka mbetur në zyrën tuaj, e kjo është shumë e turpshme.

Përkundër faktit se Kadri Rahimaj ka shtruar e asfaltuar rrugë shumëfishë më shumë se Gjilani, sërish qytetarët e akuzojnë se po i anashkalon dhe nuk po i trajton kërkesat e tyre me prioritet.

Arton Qehaja ka shkruar: Zotëri kryetar ku është Shipashnica e poshtme, e keni harru, a krejt votat i keni marr nga ne.

Rexhep Thaqi shkroi: Edhe te na në Muçivërc jon shtru do rrugica me asfalt pos njërës që lidhë Dajkocin dhe kalon nëpër mes të fshatit e deri në udhëkryqin kryesorë (dardha e R.Celes). Gjendja e saj është shumë e keqe. Mirë do të ishte edhe aty të intervenoni së paku me riparim edhe pse ka nevojë për zgjerim dhe torturuare për këmbësor. Besoj se e din gjendjen, por Koperrnica dhe Hogoshti ma tepër ta bajn zhagin sigurisht./rajonipress/