Qytetarët e Bujanocit presin më shumë bashkëpunim nga qeveria e ardhshme e Kosovës

Qytetarët e Luginës së Preshevës ankohen se raportet ndërmjet Kosovës dhe Serbisë, po ua vështirësojnë jetesën. Ata kërkojnë bashkëpunim nga qeveria e ardhshme. Ndërsa kryetari i Bujanocit, Shaip Kamberi, ka kërkuar që Lugina të diskutohet edhe në dialogun Kosovë-Serbi.

Raportet ndërmjet Kosovës dhe Serbisë po e vështirësojnë jetesën e shqiptarëve të Luginës së Preshevës. Ata presin nga qeveria e ardhshme që të bashkëpunojnë me përfaqësues së Luginës.

Ekrem Xhemaili mësimdhënës në Bujanoc thekson problemet në fushën e arsimit, në veçanti mospërshtatjen e teksteve dhe plan programit.

“Kemi probleme. Mungojnë tekstet. Plan programi nuk përshtatet me tekstet që janë në Kosovë dhe shpesh herë duhet të japim shënime”, shprehet për RTV Dukagjinin, mësimdhënësi Ekrem Xhemaili.

Gardian Mehmeti pret nga qeveria e ardhshme e Kosovës që të realizojnë planet që i kanë premtuar për Luginën, me theks zhvillimin ekonomik.

“Të realizohen kërkesat e banorëve të Preshevës dhe Bujanocit. Të na ndihmojnë ekonomikisht dhe në bisedime me Serbinë të zgjidhin problemin e njohjes së diplomave”, shprehet banori i Bujanovcit, Gardian Mehmeti, përcjell Telegrafi.

Pritshmëri nga qeveria e ardhshme e Kosovës ka edhe Kryetari i Bujanocit, Shaip Kamberi i cili pret që Kosova ta trajtoj më seriozisht Luginën në dialogun me Serbinë.

Shaipi kërkoi nga Kosova vendosjen e një fondi të përbashkët për Luginën.

“Shpresojmë që qeveria e re ta shqyrtojë sa më herët kërkesën për vendosjen e fondi të përbashkët për Luginën e Preshevës në mënyrë që në çdo vit të dimë se në cilat mjete mund të llogarisë Lugina e Preshevës duke shpresuar se shembullin e njëjtë do ta ndjekë edhe Republika e Shqipërisë”, deklaroi Shaip Kamberi.

Kamberi ka pohuar se në vazhdimësi është në kontakt me zyrtarë të partive politike në Kosovë pozitë dhe opozitë./Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).