Qytetarët e akuzojnë hapur Alban Hysenin: Pse po rren..?

Gjilan – Derisa Alban Hyseni po mundohet edhe këto pak javë të mbetura ta gënjej qytetarin gjilanas se kinse diçka ka punuar, qytetarët të revoltuar e zhgënjyer po e akuzojnë në forma shumë të vrazhda. Hyseni e tha përmes rrjeteve sociale se Gjilani e zgjidh përfundimisht çështjen e qenëve endacak ndërsa qytetari Adnan Kastrati i është përgjigjur: Pse po rren e ke refuzuar projektin që ka qen zviceriano – kosovar, veç që s`ka qen VV.

Alban Hyseni pothuajse në çdo postim të tij në rrjetet sociale dhe në mediat lokale, me të cilat ka nënshkruar kontratë institucionale, duke i shfrytëzuar në maksimum për fushatën e tij, po merr akuza dhe kritika nga më të ndryshmet nga qytetarët gjilanas.

Të kota po duken videot e tij dhe pamjet përmes dronëve, sepse realiteti është krejt ndryshe. Gjilani ka stagnuar dhe vetë numëruar për këto katër vite meqë asnjë projekt i dobishëm nuk është përfunduar.

Në një video të fundit Alban Hyseni e ka propaganduar si të kryer zgjidhjen e qenëve endacak.

“Gjilani e zgjidh përfundimisht çështjen e qenëve endacak”, ndërsa qytetari Adnan Kastrati i është përgjigjur: Pse po rren e ke refuzuar projektin që ka qen zviceriano – kosovar, veç që s`ka qen VV.

Kurse qytetari tjetër Melios Domgjoni ka shkruar: Oh urgjentisht me veprue, tmerr!

Të përkujtojmë se Rajonipress në asnjë formë nuk e përkrah këtë gjuhë të komunikimit në mes të qytetareve dhe bartësve të institucioneve, por meqë LVV e ka mbjell e para këtë standard, atëherë le ta përjetojnë edhe këta këtë gjuhë të papërshtatshme./rajonipress/